തിരുവനന്തപുരം: സംസ്ഥാനത്ത് അടുത്ത അഞ്ച് ദിവസത്തേക്ക് ശക്തമായ മഴയ്ക്ക് സാധ്യതയുണ്ടെന്നു കാലാവസ്ഥ വകുപ്പ് മുന്നറിയിപ്പ് നല്കി. വടക്കന് കേരളവും മധ്യകേരളവും മലയോര പ്രദേശങ്ങളും കനത്ത മഴയ്ക്കായി തയ്യാറായിരിക്കണമെന്ന് അറിയിപ്പില് പറയുന്നു. മഴയ്ക്കൊപ്പം ശക്തമായ കാറ്റും ഉണ്ടാകാം.
ഇന്ന് കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്. നാളെ ആലപ്പുഴ, എറണാകുളം, തൃശൂര്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലും യെല്ലോ അലേര്ട്ട് ബാധകമായിരിക്കും.
ഒറ്റപ്പെട്ടയിടങ്ങളില് ഇടിമിന്നലോടും മണിക്കൂറില് 40 മുതല് 50 കിലോമീറ്റര് വരെ വേഗതയുള്ള കാറ്റോടും കൂടിയ മഴയ്ക്കാണ് സാധ്യത. ജൂണ് 27 വരെ സംസ്ഥാനത്ത് വിവിധ ഇടങ്ങളില് ശക്തമായ മഴയും മണിക്കൂറില് 60 കിലോമീറ്റര് വരെ വേഗതയിലാകാവുന്ന കാറ്റും ഉണ്ടാകാനാണ് സാധ്യതയെന്ന് കാലാവസ്ഥ വകുപ്പ് വ്യക്തമാക്കി.
Comments
No comments yet. Be the first to comment!
Leave a Comment