സിബിഎസ്ഇ പ്ലസ്ടു ഫലം പ്രഖ്യാപിച്ചു; 88.39% വിജയം

സിബിഎസ് പ്ലസ്ടുഫലം പ്രഖ്യാപിച്ചു. ഇത്തവണ വിജയശതമാനം 88.39 ശതമാനമാണ്. പന്ത്രണ്ടാം ക്ലാസ് പരീക്ഷയ്ക്ക് 17.88 ലക്ഷം വിദ്യാര്‍ത്ഥികളാണ് ഇത്തവണ ഹാജരായത്. cbse.gov.in എന്ന ഔദ്യോഗിക വെബ്സൈറ്റ് വഴി ഫലങ്ങള്‍ അറിയാനുള്ള സൗകര്യം സിബിഎസ്ഇ ഒരുക്കിയിട്ടുണ്ട്. 

ഈ വര്‍ഷത്തെ വിജയശതമാനം കഴിഞ്ഞ വര്‍ഷത്തേതിനെക്കാള്‍ 0.41 ശതമാനം കൂടുതലാണ്. വിജയവാഡയാണ് ഏറ്റവും ഉയര്‍ന്ന വിജയശതമാനം നേടിയത് - 99.6 ശതമാനം. രണ്ടാമതുള്ളത് തിരുവനന്തപുരം മേഖലയാണ്, ഇവിടത്തെ വിജയശതമാനം 99.32 ശതമാനമാണ്. 

ഇത്തവണയും പെണ്‍കുട്ടികളാണ് മികച്ച വിജയം നേടിയത്. പെണ്‍കുട്ടികളുടെ വിജയശതമാനം 91.64 ശതമാനമെന്നാണ്, എന്നാല്‍ ആണ്‍കുട്ടികളുടേത് 85.7 ശതമാനമാണ്. പരീക്ഷയെഴുതിയ പെണ്‍കുട്ടികളില്‍ 91 ശതമാനത്തിലധികം പേരും വിജയിച്ചു.