ഇന്ത്യ-പാക് സംഘര്ഷം രൂക്ഷമായ സാഹചര്യത്തില് അതിര്ത്തി സംസ്ഥാനങ്ങളിലെ യൂണിവേഴ്സിറ്റികളില് നിന്നും കേരളത്തിലേക്ക് മടങ്ങുന്ന വിദ്യാര്ഥികള് ഡല്ഹി കേരള ഹൗസിലെത്തി. ജമ്മു, രാജസ്ഥാന്, പഞ്ചാബ് എന്നിവിടങ്ങളിലെ വിവിധ കേന്ദ്ര - സംസ്ഥാന യൂണിവേഴ്സിറ്റികളില് നിന്നായി ഇന്നലെ രാത്രിയോടെയും ഇന്ന് പുലര്ച്ചയുമായി എഴുപത്തഞ്ചോളം വിദ്യാര്ഥികളാണ് കേരള ഹൗസിലെത്തിയത്.
സംസ്ഥാനത്തിന്റെ വിവിധ ഭാഗങ്ങളില് നിന്നുള്ള വിദ്യാര്ഥികള് വിവിധ വിമാനങ്ങളിലും ട്രെയിനികളിലുമായി ഇന്നും പുലര്ച്ചയുമായി നാട്ടിലേക്ക് തിരിക്കും. സംഘര്ഷാവസ്ഥയുടെ പശ്ചാത്തലത്തില് അതിര്ത്തി സംസ്ഥാനങ്ങളിലെ കേരളീയര്ക്കും മലയാളി വിദ്യാര്ഥികള്ക്കും സഹായവും വിവരങ്ങളും ലഭ്യമാക്കുന്നതിനായി മുഖ്യമന്ത്രി പിണറായി വിജയന്റെ നിര്ദേശ പ്രകാരം ന്യൂഡല്ഹി കേരള ഹൗസില് 24 മണിക്കൂറും പ്രവര്ത്തിക്കുന്ന കണ്ട്രോള് റൂം തുറന്നിട്ടുണ്ട്.
അഡീഷണല് റെസിഡന്റ് കമീഷണര് ചേതന് കുമാര് മീണയുടെ നേതൃത്വത്തില് കണ്ട്രോളര് എ എസ് ഹരികുമാര്, ലെയ്സണ് ഓഫീസര് രാഹുല് കെ. ജെയ്സ്വാര്, നോര്ക്ക ഡെവല്പ്പമെന്റ് ഓഫീസര് ജെ ഷാജിമോന്, പിഡബ്ല്യുഡി അസിസ്റ്റന്റ് എക്സിക്യൂട്ടീവ് എഞ്ചിനീയര് ബി ബൈജു അസിസ്റ്റന്റ് എഞ്ചിനീയര്മാരായ എന് ശ്രീഗേഷ്, സി മുനവര് ജുമാന്, ടൂറിസം ഇന്ഫര്മേഷന് ഓഫീസര് കെ സുനില്കുമാര് കെഎസ്ഇബി റെസിഡന്റ് എഞ്ചിനീയര് ഡെന്നീസ് രാജന് ഐപിആര്ഡി അസിസ്റ്റന്റ് എഡിറ്റര് രതീഷ് ജോണ്, അസിസ്റ്റന്റ് ലെയ്സണ് ഓഫീസര്മാരായ, ടി ഒ ജിതിന് രാജ്, പി ആര് വിഷ്ണുരാജ്, എസ് സച്ചിന്, ജയരാജ് നായര്, ആര് അതുല് കൃഷ്ണന്, എന്നിവരെ കണ്ട്രോള് റൂം പ്രവര്ത്തനങ്ങള് ഏകോപിപ്പിക്കുന്നതിനായി നിയോഗിച്ചു. കണ്ട്രോള് റൂം ഹെല്പ്പ് ലൈന് നമ്പര്. 01123747079.
Comments
No comments yet. Be the first to comment!
Leave a Comment