തിരുവനന്തപുരം: പോത്തന്കോട് ഗുണ്ടാസംഘം യുവാവിനെ കൊന്ന് കാല് വെട്ടിയെറിഞ്ഞ കേസില് മുഴുവന് പ്രതികള്ക്കും ജീവപര്യന്തം ശിക്ഷ വിധിച്ചു. കേസില് ഒട്ടകം രാജേഷ് ഉള്പ്പടെ 11 പ്രതികള് ആണ് ഉള്ളത്. നെടുമങ്ങാട് എസ്സി എസ്ടി കോടതിയാണ് ശിക്ഷ വിധിച്ചത്.
പ്രതികള്ക്ക് പരമാവധി ശിക്ഷ നല്കണമെന്നും ഒന്നാം പ്രതി സുധീഷ്,മൂന്നാം പ്രതി ഒട്ടകം രാജേഷ് എന്നിവര്ക്ക് വധശിക്ഷ തന്നെ നല്കണമെന്നുമായിരുന്നു കോടതിയില് പ്രോസിക്യൂഷന്റെ വാദം. 9 പ്രതികള്ക്കും നിരവധി കേസുകള് ഉണ്ട്. ഒട്ടകം രാജേഷ് രണ്ട് കൊല കേസുകളില് ഉള്പ്പടെ 18 കേസുകളിലെ പ്രതിയാണ്.
മംഗലപുരം സ്വദേശിയാണ് കൊല്ലപ്പെട്ട സുധീഷ്. 2021 ഡിസംബര് 11നായിരുന്നു സുധീഷ് ഒളിവില് താമസിച്ചിരുന്ന വീട്ടിലേക്ക് ഗുണ്ടാ സംഘമെത്തി ക്രൂര കൊലപാതകം ആവിഷ്കരിച്ചത്. മുഖ്യപ്രതിയായ സുധീഷ് ഉണ്ണിയുമായി സുധീഷ് രണ്ട് മാസം മുന്പ് അടിയുണ്ടാക്കിയിരുന്നു. അതിന്റെ പകരം വീട്ടാനാണ് സുധീഷ് ഉണ്ണി ഗുണ്ടാനേതാവായ ഒട്ടകം രാജേഷുമായി ചേര്ന്ന് കൊലപാതകം ആസൂത്രണം ചെയ്തത്.
Comments
No comments yet. Be the first to comment!
Leave a Comment