ഡല്ഹി: മുഖ്യമന്ത്രിയുടെ മകള് വീണയുടെ എക്സാലോജിക് കമ്പനിയുമായുള്ള ദുരൂഹ ഇടപാടുകേസിലെ എസ്എഫ്ഐഒയുടെ തുടര്നടപടികള് തടയണമെന്ന സിഎംആര്എല് ഹര്ജി ഡല്ഹി ഹൈക്കോടതി ഇന്ന് പരിഗണിക്കും. ഇന്ന് ഉച്ചയ്ക്ക് 2.30ന് ഹര്ജികളില് വാദം കേള്ക്കും. ഹര്ജിയില് എസ്എഫ്ഐഒയ്ക്കും കേന്ദ്രകമ്പനി കാര്യ മന്ത്രാലയത്തിനും കോടതി നോട്ടീസ് അയച്ചിരുന്നു. സിഎംആര്എല്ലിനായി മുതിര്ന്ന അഭിഭാഷകന് കപില് സിബല് ഇന്ന് ഹാജരാക്കും.
ഹൈക്കോടതിയുടെ അനുമതി ഇല്ലാതെ വിചാരണ തുടങ്ങരുതെന്നും എസ്എഫ്ഐഒ അന്തിമ അന്വേഷണ റിപ്പോര്ട്ട് നല്കിയോ എന്ന് വ്യക്തമാക്കാന് കേന്ദ്രത്തോട് നിര്ദേശിക്കണമെന്നുമാണ് ഹര്ജിയിലെ ആവിശ്യം. എസ്എഫ്ഐഒ അന്വേഷണത്തിനെതിരെ സിഎംആര്എല് നേരത്തെ നല്കിയ ഹര്ജിയിലും ഇന്ന് വാദം കേള്ക്കും.
Comments
No comments yet. Be the first to comment!
Leave a Comment