18/11/2026
Kerala News

മദ്യനയം ഉടന്‍ പ്രഖ്യാപിക്കും; കരട് മുഖ്യമന്ത്രിക്ക് സമര്‍പ്പിക്കുമെന്ന് മന്ത്രി എം. ലിജു

 മദ്യനയം ഉടന്‍ പ്രഖ്യാപിക്കും; കരട് മുഖ്യമന്ത്രിക്ക് സമര്‍പ്പിക്കുമെന്ന് മന്ത്രി എം. ലിജു


തിരുവനന്തപുരം: സംസ്ഥാന സര്‍ക്കാരിന്റെ പുതിയ മദ്യനയം ഉടന്‍ പ്രഖ്യാപിക്കുമെന്ന് എക്‌സൈസ് മന്ത്രി എം. ലിജു. എക്‌സൈസ് വകുപ്പ് തയ്യാറാക്കിയ മദ്യനയത്തിന്റെ കരട് ഉടന്‍ മുഖ്യമന്ത്രിക്ക് സമര്‍പ്പിക്കും. മന്ത്രിസഭയുടെ അംഗീകാരം ലഭിച്ചശേഷം യുഡിഎഫ് യോഗത്തില്‍ വിശദമായ ചര്‍ച്ച നടത്തുകയും അതിനുശേഷം ഔദ്യോഗിക പ്രഖ്യാപനം നടത്തുകയും ചെയ്യുമെന്ന് മന്ത്രി വ്യക്തമാക്കി.

രണ്ടുമാസം നീണ്ട ചര്‍ച്ചകള്‍ക്കും വിവിധ തലങ്ങളിലുള്ള കൂടിയാലോചനകള്‍ക്കും ശേഷമാണ് പുതിയ മദ്യനയത്തിന് രൂപം നല്‍കുന്നത്. മദ്യനിരോധന സമിതികള്‍, മുന്‍ എക്‌സൈസ് മന്ത്രിമാര്‍, ബാര്‍ ഉടമകള്‍ തുടങ്ങിയവരുമായി നടത്തിയ ചര്‍ച്ചകളുടെ അടിസ്ഥാനത്തിലാണ് കരട് തയ്യാറാക്കിയിരിക്കുന്നത്.

വീര്യം കുറഞ്ഞ മദ്യത്തിന്റെ വില്‍പ്പന സംബന്ധിച്ച് ഉടന്‍ തീരുമാനമുണ്ടാകില്ലെന്നാണ് സൂചന. സംസ്ഥാനത്തെ ബെവ്‌കോ ഔട്ട്‌ലെറ്റുകളുടെ എണ്ണം വര്‍ധിപ്പിക്കാതെ നിലവിലുള്ളവയുടെ മുഖച്ഛായ മാറ്റുന്ന കാര്യവും സര്‍ക്കാര്‍ പരിഗണിക്കുന്നുണ്ട്. ബാറുകളുടെ പ്രവര്‍ത്തനസമയത്തിലും ഐടി പാര്‍ക്കുകളില്‍ ബാറുകള്‍ അനുവദിക്കുന്നതിലും പുതിയ മദ്യനയത്തില്‍ നിര്‍ണായക തീരുമാനങ്ങളുണ്ടാകുമെന്നാണ് പ്രതീക്ഷ.

അതേസമയം, മദ്യനയത്തിന്റെ കരട് രൂപീകരണത്തില്‍ നിര്‍ണായക പങ്കുവഹിച്ച മുന്‍ എക്‌സൈസ് കമ്മീഷണര്‍ സീറാം സാംബശിവ റാവുവിനെ സര്‍ക്കാര്‍ അറിയാതെ ബാര്‍ ലൈസന്‍സുകള്‍ അനുവദിച്ച സംഭവത്തെത്തുടര്‍ന്ന് പുറത്താക്കിയിരുന്നു. പുതിയ മദ്യനയ പ്രഖ്യാപനത്തിനായി കാത്തിരിക്കുകയാണ് സംസ്ഥാനത്തെ മദ്യവ്യവസായ മേഖല.


Related News

Comments

No comments yet. Be the first to comment!

Leave a Comment
Advertisement Advertisement Advertisement