തിരുവനന്തപുരം: വൈദ്യുതി കരാറുമായി ബന്ധപ്പെട്ട വിവാദത്തില്‍ മുഖ്യമന്ത്രിയും വൈദ്യുതി മന്ത്രി സണ്ണി ജോസഫും തമ്മിലുള്ള ഭിന്നത പരസ്യപ്പോരിലേക്ക്. മന്ത്രിസഭയില്‍ കൂട്ടുത്തരവാദിത്തമില്ലെന്ന വിമര്‍ശനം ശക്തമാകുന്നതിനിടെയാണ് മുഖ്യമന്ത്രിയും മന്ത്രിയും പരസ്പരവിരുദ്ധ നിലപാടുകളുമായി രംഗത്തെത്തിയിരിക്കുന്നത്.
വൈദ്യുതി കരാറിനെക്കുറിച്ച് തനിക്ക് അറിയില്ലെന്ന മന്ത്രിയുടെ പ്രതികരണവും എല്ലാ കാര്യങ്ങളും മന്ത്രിയെ അറിയിക്കുന്നുണ്ടെന്ന മുഖ്യമന്ത്രിയുടെ മറുപടിയുമാണ് വിവാദത്തിന് പുതിയ വിവാദത്തിന് കാരണം.
വൈദ്യുതി കരാറുമായി ബന്ധപ്പെട്ട് മുഖ്യമന്ത്രിയാണ് തീരുമാനമെടുത്തതെന്ന സൂചന നല്‍കി അതൃപ്തി പ്രകടിപ്പിച്ച സണ്ണി ജോസഫ്, സംസ്ഥാനത്ത് വൈദ്യുതി പ്രതിസന്ധിയുണ്ടെന്നും വ്യക്തമാക്കി. വൈദ്യുതി പ്രതിസന്ധിയില്ലെന്ന് പറയുന്നത് ജിഎന്‍എയുമായുള്ള കരാര്‍ വേണ്ടെന്നുവയ്ക്കാനാണെന്നും അദ്ദേഹം ആരോപിച്ചു. കരാര്‍ ഉപേക്ഷിക്കുന്നതിന്റെ കാരണം എന്താണെന്ന് അറിയില്ലെന്നും വൈദ്യുതി മന്ത്രി പരസ്യമായി പ്രതികരിച്ചു.
പവര്‍ സെക്രട്ടറി, വൈദ്യുതി ബോര്‍ഡ് ചെയര്‍മാന്‍ എന്നിവര്‍ മുഖ്യമന്ത്രിയുമായി ചര്‍ച്ച നടത്തി തീരുമാനങ്ങളെടുത്തപ്പോള്‍ വകുപ്പ് മന്ത്രിയെ അവഗണിച്ചുവെന്ന പ്രതിഷേധവും ഇതോടെ പുറത്തുവന്നു. വൈദ്യുതി വകുപ്പുമായി ബന്ധപ്പെട്ട നിര്‍ണായക തീരുമാനങ്ങളില്‍ മന്ത്രിക്ക് വേണ്ടത്ര പങ്കാളിത്തം ലഭിച്ചില്ലെന്ന വിമര്‍ശനവും ഉയരുന്നുണ്ട്.
Comments
No comments yet. Be the first to comment!
Leave a Comment