തിരുവനന്തപുരം: കോവളം സ്പാ പീഡനക്കേസില്‍ അന്വേഷണത്തിന് നിര്‍ണായകമായേക്കാവുന്ന ഡിജിറ്റല്‍ തെളിവുകള്‍ പൊലീസിന് ലഭിച്ചു. കേസിലെ മൂന്നാം പ്രതി സജിത്ത് കുമാറില്‍ നിന്ന് അഞ്ച് മൊബൈല്‍ ഫോണുകള്‍ അന്വേഷണ സംഘം പിടിച്ചെടുത്തു. ഈ ഫോണുകളില്‍ കേസുമായി ബന്ധപ്പെട്ട നിര്‍ണായക ദൃശ്യങ്ങളുണ്ടെന്നാണ് പൊലീസിന്റെ കണ്ടെത്തല്‍. ഈ വിവരങ്ങള്‍ കേസിലെ മറ്റ് പ്രതികളുടെ പങ്ക് വ്യക്തമാക്കുന്നതിലും കൂടുതല്‍ തെളിവുകള്‍ കണ്ടെത്തുന്നതിലും നിര്‍ണായകമാകും.
പിടിച്ചെടുത്ത ഫോണുകളിലെ ദൃശ്യങ്ങള്‍ ആദ്യം ഡിജിറ്റലൈസ് ചെയ്ത ശേഷം വിശദമായ ശാസ്ത്രീയ പരിശോധനയ്ക്ക് വിധേയമാക്കും. ദൃശ്യങ്ങളില്‍ നിന്ന് ലഭിക്കുന്ന വിവരങ്ങള്‍ കൃത്യമായി പരിശോധിച്ച ശേഷമായിരിക്കും പൊലീസ് തുടര്‍നടപടികളിലേക്ക് കടക്കുക.
നിലവില്‍ അറസ്റ്റിലായ പ്രതികള്‍ക്ക് പുറമെ സംഭവത്തില്‍ മറ്റാര്‍ക്കെങ്കിലും പങ്കുണ്ടോയെന്ന് പൊലീസ് വിശദമായി പരിശോധിച്ചുവരികയാണ്. ഡിജിറ്റല്‍ തെളിവുകളുടെയും ദൃശ്യങ്ങളുടെയും അടിസ്ഥാനത്തില്‍ കേസില്‍ കൂടുതല്‍ അറസ്റ്റുകള്‍ ഉടനുണ്ടാകുമെന്നാണ് അന്വേഷണ സംഘം നല്‍കുന്ന സൂചന.
Comments
No comments yet. Be the first to comment!
Leave a Comment