കൊച്ചി: ചേരാനല്ലൂര്‍ കണ്ടെയ്‌നര്‍ റോഡിന് സമീപം 17 വയസ്സുകാരന്‍ ഓടിച്ച കാറിടിച്ച് കാല്‍നടയാത്രക്കാരനായ മാഞ്ഞാലി സ്വദേശി ജയബാലകൃഷ്ണന്‍ മരിച്ചു. ജോലി കഴിഞ്ഞ് വീട്ടിലേക്ക് മടങ്ങുകയായിരുന്ന ജയബാലകൃഷ്ണനെ ഉടന്‍ തന്നെ നാട്ടുകാര്‍ ആശുപത്രിയില്‍ എത്തിക്കാന്‍ ശ്രമിച്ചെങ്കിലും അപകടസ്ഥലത്തു വെച്ചുതന്നെ മരണം സംഭവിക്കുകയായിരുന്നു.
കേസിലെ പ്രതിയായ 17 കാരന്‍ എറണാകുളം അഡീഷണല്‍ സെഷന്‍സ് ജഡ്ജിയുടെ മകനാണെന്ന് കണ്ടെത്തിയിട്ടുണ്ട്. ജഡ്ജിയുടെ പേരിലുള്ള വാഹനമാണ് അപകടത്തില്‍പ്പെട്ടത്. പ്രതിക്കെതിരെ മനഃപൂര്‍വ്വമല്ലാത്ത നരഹത്യയ്ക്ക് ചേരാനല്ലൂര്‍ പോലീസ് കേസെടുത്തു. പ്രായപൂര്‍ത്തിയാകാത്ത ഡ്രൈവര്‍ മദ്യപിച്ചിരുന്നോ എന്ന് പരിശോധിക്കുന്നതിനായി രക്തസാമ്പിളുകള്‍ ശേഖരിച്ച് ലാബിലേക്ക് അയച്ചിട്ടുണ്ട്.
അപകടത്തെ തുടര്‍ന്ന് മോട്ടോര്‍ വാഹന വകുപ്പ് (MVD), പോലീസ്, ഫോറന്‍സിക് വിഭാഗങ്ങള്‍ സംഭവസ്ഥലത്തെത്തി വിശദമായ പരിശോധനകള്‍ നടത്തി. കാറിന്റെ വേഗതയും അപകടത്തിന്റെ കാരണങ്ങളും കണ്ടെത്താന്‍ കൂടുതല്‍ അന്വേഷണം നടന്നുവരികയാണ്.
Comments
No comments yet. Be the first to comment!
Leave a Comment