തിരുവനന്തപുരം: മുഖ്യമന്ത്രി വി.ഡി. സതീശന്റെ വിവാദ ചാര്ട്ടേഡ് വിമാനയാത്രയുടെ ചെലവ് സംബന്ധിച്ച വിവാദം തുടരുന്നു. യാത്രയ്ക്കായി ഉപയോഗിച്ച വിമാനത്തിന്റെ ഉടമയായ കേളചന്ദ്ര ഏവിയേഷന് ചിപ്സണ് ഏവിയേഷന് നല്കിയ ഇന്വോയിസില് ജിഎസ്ടി ഉള്പ്പെടെ 19.88 ലക്ഷം രൂപ ചെലവായി രേഖപ്പെടുത്തിയിട്ടുണ്ട്.
എന്നാല് യാത്രയുടെ യഥാര്ഥ സ്പോണ്സര് ആരാണെന്നതില് ഇപ്പോഴും വ്യക്തതയില്ല. ഇന്ന് പുറത്തുവന്ന വിശദീകരണത്തില് ചിപ്സണ് ഏവിയേഷന് യാത്ര സ്പോണ്സര് ചെയ്തിട്ടില്ലെന്നും, എയര് ഓപ്പറേറ്റര് എന്ന നിലയില് വിമാനം ക്രമീകരിക്കുകയും പണം വാങ്ങി വിമാന ഉടമയ്ക്ക് കൈമാറുകയുമാണ് ചെയ്തതെന്നും വ്യക്തമാക്കി. പണം നല്കിയ വ്യക്തിയുടെ പേര് വെളിപ്പെടുത്തില്ലെന്നും കമ്പനി അറിയിച്ചു.
സര്ക്കാരുമായി ഹെലികോപ്റ്റര് കരാര് പുതുക്കുന്നതിനായി അപേക്ഷ നല്കിയിരുന്ന ചിപ്സണ് ഏവിയേഷനാണ് മുഖ്യമന്ത്രിയുടെ യാത്രയ്ക്കുള്ള വിമാനച്ചെലവ് വഹിച്ചതെന്ന രേഖകള് നേരത്തെ പുറത്തുവന്നിരുന്നു. ഇതോടെയാണ് യാത്രയുടെ ചെലവിനെച്ചൊല്ലി രാഷ്ട്രീയ വിവാദം ശക്തമായത്.
Comments
No comments yet. Be the first to comment!
Leave a Comment