തിരുവനന്തപുരം: കേരള മെഡിക്കല് സര്വീസസ് കോര്പ്പറേഷന് ലിമിറ്റഡിലെ (കെഎംഎസ്സിഎല്) ക്വാളിറ്റി കണ്ട്രോള് വിഭാഗം നിര്ത്തലാക്കി. ആരോഗ്യ മന്ത്രി കെ. മുരളീധരന്റെ നിര്ദേശപ്രകാരമാണ് നടപടി. കെഎംഎസ്സിഎല് വഴി സംഭരിക്കുകയും വിതരണം ചെയ്യുകയും ചെയ്യുന്ന മരുന്നുകളില് ഗുണനിലവാരമില്ലാത്തവ കണ്ടെത്തിയ സാഹചര്യത്തിലാണ് തീരുമാനം.
ഇനി മരുന്നുകളുടെ ഗുണനിലവാരം ഉറപ്പാക്കാനുള്ള ചുമതല ഡ്രഗ്സ് കണ്ട്രോള് വകുപ്പിനായിരിക്കും. പരിശോധനകള് കാര്യക്ഷമമായി നടത്തുന്നതിനായി ഡ്രഗ്സ് കണ്ട്രോള് വകുപ്പില് നിലവിലുള്ള ജീവനക്കാരുടെ കുറവ് പരിഹരിക്കാന് താത്കാലിക നിയമനവും നടത്തും.
കെഎംഎസ്സിഎല് കോടിക്കണക്കിന് രൂപ ചെലവഴിച്ച് വാങ്ങിയ ചില മരുന്നുകള്ക്ക് ഗുണനിലവാരമില്ലെന്ന് നേരത്തെ കണ്ടെത്തിയിരുന്നു. കെഎംഎസ്സിഎല് സംഭരിക്കുന്ന മരുന്നുകളുടെ നിലവാരം പരിശോധിച്ചിരുന്നത് ഇതുവരെ സ്ഥാപനത്തിലെ ക്വാളിറ്റി കണ്ട്രോള് വിഭാഗമായിരുന്നു.
Comments
No comments yet. Be the first to comment!
Leave a Comment